Par uzjiemiejdarbeibys izaicynuojumim i Zemissardzis jaunū statusu

17.06.2026 - 00:00

Raidejumā “Pi myusu Latgolā” turpynojam dagrīzt viereibu uzjiemiejdarbeibys veicynuošonai reģionā. Veikalūs nūpierkama Mežvidu tomatu raža, bet kaids ir degvīlys i cytu resursu izmoksu daauguma ispaids iz uzjiemiejdarbeibu, i kas byutu juomaina vaļsts atteisteibā? Par itim vaicuojumim runuosim ar Mežvydu lauksaimnīceibys i tehnologeju parka vadeituoju Edgaru Romanovski. Sovpus jaunais Zemissardzis atbaļsteituoja statuss dūmuots pīaugušajim Latvejis dzeivuotuojim, kuri deļ veseleibys ci cytu īmaslu navar dīnēt, bet gryb atbaļsteit Zemissardzi krīzis situacejuos i kasdīnā, stuosta Zemissardzis komanders, brigādis generals Aivars Krjukovs.

Radio raidejumu cikls “Pi myusu Latgolā” skan “Divu krastu radio” (90,1fm Daugavpils, 89,4 fm Rēzekne, 96,9 fm Jēkabpils).

Plašuoka auditoreja ar radejis puorraidem var īpasazeit ziņu portalūs www.rezekneszinas.lv, www.daugavpilszinas.lv.

Raidejuma veiduotuoju kontaktinformaceja: info@dkradio.lv voi pa telefonu 26550032.

Projektu finansej “Mediju atbalsta fonds” nu Latvijas valsts budžeta līdzekļim.

#SIF_MAF2026

Par raidejumu saturu atbild projekta eistynotuojs “Divu krastu radio”.

Citas programas

Apskatīt visus

Leitovys papūstejuši Latgolys teirumus

Piec leita Latgolā i Vidzemē ir appludynuoti gryudu teirumi, bet par zaudiejumim sprīst vēļ paagri. Zemnīku organizacejis planavoj īsnēgt Zemkūpeibys ministrejā aicynuojumu sasaukt krīzis puorvaļdeibys grupu par uorkuortejū situaceju appludynuotajuos teritorejuos. Brauksim iz Preiļu nūvoda Seiļukolna pogostu pi leluokuo zemnīka Andra Sondora, kab pasavārtu, kaidu bādu leits padarejs juo teirumim.

Ar stuostu nu Preiļu eterā atsagrīž raidejums “Pi myusu Latgolā”

Ar Medeju atbolsta fonda (MAF) finansiālu atbolstu pi radejis klauseituoju atsagrīž radiožurnals “Pi myusu Latgolā”. Tys ir Laurys Sondoris i Teņa Bykovska veiduots kasnedelis raidejums par Latgolys aktualitatem, cylvākim, kulturviesturiskuo montuojuma saglobuošonu, jaunumim sabīdryski politiskajā, kai ari uzjiemiejdarbeibys jūmā.

Kas pi myusu nūteik nu Juoņu da Pīteru?

Kas nūteik pi myusu nu Juoņa dīnys da Pīterdīnai? Lelais latgaļu tiergs senejuokajā Latvejis piļsātā Ludzā tradicionali nūteik nailgi pyrma Vosorys saulis grīžu. Ar dzīsmem, dzigom i vysaidom nūtikšonom tys Ludzys piļskolnā nūteik jau gondreiž divejus godu dasmytus, i vysu itū laiku tū reikoj Līga Kondrāte.